Вештачки нокти.

Денешниов пост е малку поинаков и остава простор за дискусија.Се работи за вештачки нокти..

Знам, знам дека многу од вас не ги сакаат, ама не има и нас кои што едноставно не можеме без нив.Постојат доста небулози, а и доста работи кои се точни кога се работи за вештачките нокти.Па да почнеме:

1.Дали вештачките нокти да ги ставате сами дома или во козметички салон?

-Дефинитивно во козметички салон, пред се се работи за хигиената, а и вештачките нокти што ќе си ги ставите сами дома најверојатно ќе траат 2/3 дена и ќе почнат самите да паѓаат, бидејќи сите знаеме колку се квалитетни лепаците за нокти во Џамбо, ДМ или како и да е.

2.Типсови или наливни?

-Тука мислењето е поделено.Ги има многу кои претпочитаат типсови, но јас сум дефинитивно за наливни.Типсовите барем мене многу побрзо ми се кршат и повеќе ме боли кога се печат, што секако не мора да биде случај за сите.

3.Која форма најмалку се крши?

-Да се разбереме знам дека повеќето од нас си ги сакаме квадратните нокти, но дефинитивно шпицот се оние кои многу помалку се кршат, а јас која ги кршам за рекордно брзо време, ми траат веќе 3 недели.

4.За колку време треба да ги смените/одите на корекција?

-Јас би препорачала 3 недели, бидејќи лично бев таа што одеше на секои 2 недели и од тоа нема никоја корист освен фрлени пари на малку подраснати нокти, што секако е безсмислено.

5.Дали кога ќе ги извадите вештачките нокти, вашите ќе бидат оштетени?

-Да, секако дека ќе бидат оштетени, но ни приближно како што се претставува тоа...ниту ќе ви паднат вашите нокти, ниту никогаш повеќе нема да се вратат како порано, туку едноставно ќе бидат потенки и тоа е тоа.

6.Колку време треба за да се "одмори" ноктот од вештачките нокти?

-Не, ноктот нема да го одморите благодарение на тоа што не сте ставиле нови 1 недела, туку треба да почекате минимум 3 месеци, за да израсне целосно нов нокт, колку тоа и да звучи обесхрабрувачки.

Доколу се одлучивте за вештачки нокти, а сеуште се двоумите какви да ставате, еве неколку идеи.